Við vorum ekki lengi að þiggja boðið um far að lauginni en strákarnir voru að koma úr Reykjavík og pikkuðu okkur því upp í N1, sjoppunni sem hvað flestir puttaferðalangar leggja leið sína um.
Við nýttum einmitt tækifærið og leituðum að Bókinni góðu, biblíunni okkar, í sjoppunni, en nei, hvergi var hana að sjá. Við tókum einnig hresst viðtal við afgreiðslumann N1 um ferðalög og umferð í gegnum Hveragerði og einnig um umferð og áhugasemi um laugina í Klambragili, sem er einmitt steinsnar frá Hveragerði. Okkur gafst þó ekki tími sjálfar til að leggja leið okkar upp dalinn og að lauginni þar sem strákarnir frá www.samferda.net voru á næsta leiti.
Strákarnir í gegnum www.samferda.net voru svo sannarlega í road trip og lauga hugleiðingum, með samlokur og kakó í skottinu og sundfötin klár til brúks!
Seljavallalaug var nokkuð breytt frá því sem var, enda laugin undir Eyjafjallajökli og aska þakti svæðið í samræmi við það. Notalegt var þó að liggja í lauginni undir fjallinu með sólina að brjótast út úr skýjunum.
Eftir böðun í Seljavallarlaug fengum við aftur far hjá strákunum og báðum við þá að skutla okkur að seinustu lauginini í ferðinni.........
Blendnar tilfinningar bærðust í brjósti okkar er við þökkuðum fyrir farið, tókum bakpokana okkar og gengum af stað niður stíginn í áttina að Nauthólsvík....
Kærar þakkir fyrir allt saman þið yndislega fólk sem hefur aðstoðað okkur og gert þessa ferð að veruleika!
Helga og Harpa
No comments:
Post a Comment